Домой Маданият Нуржигит Кадырбековдун сунушу четке кагылды

Нуржигит Кадырбековдун сунушу четке кагылды

Президенттик аппарат Маданият министри Нуржигит Кадырбековдун Кыргыз Республикасынын Эмгек сиңирген артистти Кайрат Примбердиевди наамынан ажыратуу боюнча сунушун карап көрүп, негиз жок деп тапты.

Президенттик аппараттын министр Кадырбековго жообунда,

Жазык кодексинин 64-беренесинин 2-бөлүгүнө ылайык сот тарабынан төмөнкүлөр кошумча жаза катары колдонулушу мүмкүн:

  • Кызмат абалынан же кызматтык абалда берилген мүмкүндүктөрдү пайдалануу менен кылмыш жасаган учурда – атайын, аскердик, ардак наамынан, дипломатиялык рангынан же класстык ченинен ажыратуу
  •  оор же өзгөчө оор кылмыш жасалган учурда  – мамлекеттик сыйлыктан ажыратуу.

Жогорудагы жазылгандын негизинде Эмгек сиңирген артист Кайрат Примбердиевди наамдан ажыратууга негиз жок деп табышкан.

Эске салак, ютубдагы чуулу видео-тасмадан кийин Маданият министрлиги Курал Чокоевди Маданияттын мыкты кызматкери төш белгисинен ажыратып, Примбердиев боюнча Президенттик аппаратка сунуш жолдогон.